Rusiyada maşın hərəkətdə olarkən öpüşən sürücü məsuliyyət daşıyacaq.
Bu barədə hüquqşünas Lev Voropaev “Gazeta.Ru”ya açıqlamasında söyləyib. Onun dediyinə görə hərəkət zamanı öpüşmək qəza ilə nəticələnərsə cəzalandırılacaq.
“Əgər bu, yol-nəqliyyat hadisəsinə səbəb olub və məsələn, videoqeydiyyat kamerası ilə qeydə alınarsa, qəza zamanı öpüşən sürücünün zərərin ödənilməsinə görə məsuliyyət daşıması üçün əsas yaranacaq”, – deyə hüquqşünas bildirib.
Voropaevin sözlərinə görə, qanunvericilikdə insanların avtomobildə hərəkət edərkən öpüşməsi üçün birbaşa cəza nəzərdə tutulmayıb. Lakin öpüş təhrikedici hərəkət hesab olunarsa və məktəb və ya uşaq müəssisəsinin yaxınlığında baş verərsə, bu, əxlaqsız hərəkət kimi qiymətləndirilə bilər və həmin şəxslər min rubladək cərimə oluna bilər.
//milli.az