17-21 sentyabr tarixlərində Bolqarlstanın Sofiya şəhərində keçiriləcək yarışda ölkəmizi “Birbaşa Bakı” , “Zirə” və “Aznur” komandaları təmsil edəcək. Artıq klublarımızın rəqibləri də məlumdur. Çempionlar Liqasının son qalibi olan təmsilçimiz “Birbaşa Bakı” F qrupunda “Red Star”(Serbiya), “Porto”(Portuqaliya), ARRV (Rumınya) komandaları ilə mübarizə aparacaq. Ölkə çempionatının gümüş mükafatçısı “Zirə” isə C qrupunda Afula (İsrail),MF 22 (Slovakiya) və Rooftop Budapest (Macarıstan) kollektivləri ilə yarışacaq. Çempionlar Liqasındakı daha bir təmsilçimiz “Aznur” G qrupunda Kayrat (Qazaxıstan), Oviedo (İspaniya) və Hoverla Praqa (Çexiya) komandaları ilə qarşılaşacaq.
Minifutbol üzrə Çempionlar Liqasında təmsilçilərimizin rəqibləri müəyyənləşib
