İsrailin Baş naziri Benyamin Netanyahu sentyabrda BMT Baş Assambleyasında Fələstini tanımağa çağıran Fransa Prezidenti Emmanuel Makronun İsrailə səfərinə icazə verməyib.
Nəzər.Media xəbər verir ki, İsrail mediasının məlumatına görə, ABŞ da Fələstin nümayəndələrinə BMT tədbirində iştirak üçün viza verməkdən imtina edib. Bu addımı tənqid edən Makron belə yanaşmanı yolverilməz adlandırıb.
Makron münaqişənin həlli üçün atəşkəsin bərqərar olunmasını, girovların azad edilməsini, Qəzzaya humanitar yardımın çatdırılmasını və bölgəyə sülhməramlı qüvvələrin yerləşdirilməsini təklif edib. O, həmçinin HƏMAS-ın silahı təhvil verərək bölgədən çəkilməli olduğunu bildirib.
Netanyahu isə Makronun bu mövqeyinə etiraz edib və Fələstin dövlətinin yaradılmasına çağırışına görə onu tənqid edib. O, Fransada antisemitizmin artmasından narahatlığını da ifadə edib.
Makron isə cavabında bildirib ki, Fələstin dövlətinə dəstək antisemitizmin yayılmasına səbəb olmur.
//milli.az