Hindistanın Madhya Pradeş əyalətində 11 uşağın ölümünə səbəb olduğu güman edilən öskürək siropu ilə bağlı araşdırma başlanıb. Hadisədən sonra həmin dərmanı yazan həkim polis tərəfindən saxlanılıb.
Aparılan ilkin araşdırmalar zamanı məlum olub ki, dünyasını dəyişən uşaqların istifadə etdiyi öskürək siropunun tərkibindəki “dietilen qlikol” adlı kimyəvi maddənin miqdarı icazə verilən normanı aşıb. Bu maddə yüksək dozada qəbul edildikdə böyrək çatışmazlığına və ölümə səbəb ola bilir.
Polisin verdiyi məlumata görə, uşaqların çoxuna həmin siropu yazdığı müəyyən edilən Praveen Soni adlı həkim saxlanılıb və “uşaqların müalicəsində səhlənkarlığa yol verməkdə” ittiham olunub. O, dərhal vəzifəsindən uzaqlaşdırılıb. Hadisə ilə bağlı həm həkim, həm də dərmanı istehsal edən Sresun Pharmaceuticals şirkəti barəsində cinayət işi açılıb.
Həmin siropun və şirkətin digər məhsullarının satışını dərhal dayandırılıb.
Qeyd edək ki, Hindistanda 2023-cü ildə bir çox uşağın öskürək siroplarından zəhərlənərək ölməsindən sonra “xlorfeniramin maleat və fenilefrin qarışığı” tərkibli sirop və tabletlərin 4 yaşdan kiçik uşaqlarda istifadəsi qadağan edilmişdi.
//milli.az