Rusiya prezidenti Vladimir Putin Ukraynaya qarşı hərbi məqsədlərindən yalnız döyüş meydanında məğlubiyyətə uğradığı halda geri çəkilə bilər.
Bu barədə ABŞ-nin Müharibə Araşdırmaları İnstitutu təhlil edib.
Analitiklər qeyd edirlər ki, Kreml Qərblə qarşıdurma ideyasını cəmiyyətə təlqin etməklə müharibəyə ictimai dəstəyi gücləndirir. Rusiya hökuməti bu məqsədlə ciddi maliyyə vəsaiti xərcləyib və nəticədə əhali “denazifikasiya” və Ukraynanın demilitarizasiyası kimi müharibə məqsədlərini dəstəkləyir.
İnstitut hesab edir ki, Putinin elan etdiyi məqsədləri əks etdirməyən hər hansı sülh razılaşması onun daxili auditoriyası tərəfindən zəiflik kimi qəbul oluna bilər. Bu səbəbdən, o, yalnız Ukraynanın ciddi hərbi uğurları nəticəsində güzəştə getməyə məcbur qala bilər.
//milli.az