Kanal D-də yayımlanan “Uzak Şehir” serialının son yayımlanan seriyası sosial mediada narazılıq doğurub.
Tamaşaçılar Boran ilə qardaşı Cihan arasında baş verən söhbəti uyğunsuz hesab edərək sərt şəkildə tənqid ediblər.
Belə ki, Boran qardaşına həyat yoldaşı Alya barədə düşündüyü bir məsələ ilə bağlı sual verir. Cihan bu suala yox cavabı versə də səhnə izləyicilər arasında narazılıq yaradıb. Tamaşaçılar bu məqamı xoşagəlməz hesab etdiklərini bildiriblər. Sosial şəbəkələrdə çoxlu istifadəçi bu dialoqun serial üçün uyğun olmadığını qeyd edib və səhnənin yazılma tərzini tənqid edib.
Qeyd edək ki, serialın əvvəlki bölümlərində Boranın vəfat etdiyi düşünülürdü. Onun vəsiyyəti ilə Alya və Cihan evlənmiş və zaman keçdikcə aralarında məcburi başlamış münasibət sevgiyə çevrilmişdi. İkinci mövsümdə isə Boranın əslində yaşadığı və uzun müddət xəstəxanada olduğu ortaya çıxmışdı. Bu vəziyyət hekayəni tamamilə dəyişmiş və ailə daxilində gərginlik yaratmışdı.
//milli.az