Noyabrın son gününə olan hava proqnozu açıqlanıb.
Milli Hidrometeorologiya xidməti noyabrın 30-u üçün hava proqnozunu açıqlayıb.
Bakıda və Abşeron yarımadasında hava dəyişkən buludlu olacaq, bəzi yerlərdə çiskinli yağış ehtimalı var. Gecə və səhər arabir duman müşahidə olunacaq. Cənub-şərq küləyi əsəcək. Gecə hava 9-12 dərəcə isti, gündüz 14-17 dərəcə isti olacaq. Atmosfer təzyiqi 764 mm civə sütunu, nisbi rütubət gecə 80-85 %, gündüz 70-75 % təşkil edəcək.
Rayonlarda havanın əsasən yağmursuz keçəcəyi gözlənilir, lakin gecə və səhər bəzi şərq rayonlarda çiskinli yağış ehtimalı var. Arabir duman olacaq, şərq küləyi əsəcək. Gecə temperatur 4-9 dərəcə, gündüz 13-16 dərəcə isti, dağlıq ərazilərdə gecə 3 dərəcədən 2 dərəcəyə qədər şaxta, gündüz 5-10 dərəcə isti olacaq.
//Milli.az