Azərbaycan Premyer Liqasının IV turu çərçivəsində keçirlən “Şamaxı”-“Karvan-Yevlax” oyunu başa çatdı. Matçda “Şamaxı” üç xalı üç cavabsız qolla qazandı-“Şamaxı”-“Karvan-Yevlax”-3:0
xxx
Oyunun 71-ci dəqiqəsində Sezar Enrike “Şamaxı”nın üçüncü topuna imza atdı-“Şamaxı”-“Karvan-Yevlax”-3:0
xxxx
“Şamaxı”-“Karvan-Yevlax” oyununda tərəflər fasiləyə yollandı. İlk hissədən sonra “Şamaxı” 2:0 irəlidədir.
xxxx
Oyunun 45-ci dəqiqəsində Andrey Tirkoveanu “Şamaxı”nın ikinci topuna imza atdı-“Şamaxı”-“Karvan-Yevlax”-2:0
xxxx
Cümə günü futbol üzrə Azərbaycan milli komandasının Dünya Çempionatının seçmə mərhələsindəki oyunlarla əlaqədar yaranan fasilədən sonra Azərbaycan Premyer Liqasında IV tura start verilib. PFL bu günə iki qarşılaşma təyin edib.
İlk olaraq “Şamaxı” “Şamaxı Şəhər Stadionu”nda “Karvan-Yevlax”ı qəbul edir. Milliyə Dünya Çempionatında ilk xalanı bəxş edən Ayxan Abbasovun yetirmələri bu oyunda ilk 3 xallarını qazanmağı arzulayır. Yevlaxlılar bu oyunda qələbə qazanaraq “Qarabağ” məğlubiyyətini yaddan çıxartmaq istəyirlər. Hakim Fərid Hacıyevin idarə etdiyi qarşılaşmada artıq oyunun 38-ci dəqiqəsində “Şamaxı” Alfons Msanqanın qolu ilə hesabı açdı-“Şamaxı”-“Karvan-Yevləx”-1:0
Bu gün bir qarşılaşma baş tutacaq
Günün və turun sonuncu qarşılaşmasında “Neftçi” “Palms Sports Arena”da “Sabah”ı qəbul edəcək. “Ağ-qaralar” bu oyunda ilk üç xallarını qazanmağı hədəfləyib.Keçən tur “İmişli”yə məğlub olan “bayquşlar” bu oyunda qələbə qazanmaq arzusunda olacaq.
Qeyd etdiyimiz kimi futbol üzrə Azərbaycan Premyer Liqasına Cümə günü star verilmişdi. Açılış günündə iki qarşılaşma baş tutub.
Günün ilk qarşılaşmasında “Kəpəz” “Qəbələ Şəhər Stadionu”nda “Araz-Naxçıvan”ı qəbul edib. Görüşün ilk hissəsi başladığı hesaba bitib–“Kəpəz”-“Araz-Naxçıvan”-0:0. Oyunun 65-ci dəqiqəsində “Araz-Naxçıvan” Slavik Alxazovun qolu ilə hesabı açıb-“Kəpəz”-“Araz-Naxçıvan”-0:1. Oyunun 86-cı dəqiqəsində Bar Kohen “Araz-Naxçıvan”ın ikinci topuna imza atıb-“Kəpəz”-“Araz-Naxçıvan”-0:2. Bu görüşdə vurulan sonuncu qol olub və “Araz-Naxçıvan” matçdan 0:2 qalib ayrılıb.
Günün ikinci qarşılaşmasında “Qarabağ” “Azərsun Arena”da “Zirə”ni qəbul edib. Artıq oyunun 39-cu dəqiqəsində “Zirə” Ruan Renatonun penaltidən qolu ilə hesabı açıb-“Qarabağ”-“Zirə”-0:1.İlk hissə “Zirə”nin 0:1 üstünlüyü ilə başa çatıb. Oyunun 81-ci dəqiqəsində Kadi Borges “Qarabağ”ın bərabərlik topuna imza atıb-“Qarabağ”-“Zirə”-1:1.Bu oyunda vurulan son olub və beləcə tərəflər hərəyə bir qol vurmaqla bir xala razı olub-“Qarabağ”-“Zirə”-1:1.
Dünən iki qarşılaşma baş tutub.
Günün ilk qarşılaşmasında “İmişli” “Quba Olimpia Kompleksinin Stadionu”nda gənclik şəhər təmsilçisi “Sumqayıt”ı qəbul edib. Görüşün ilk hissəsi başladığı hesabla bitib-“İmişli”-“Sumqayıt”-0:0. Oyunun 72-ci dəqiqəsində “İmişli” “Sumqayıt”ın qapıçısı Mehdi Cənnətovun avtoqolu ilə hesabı açıb-“İmişli”-“Sumqayıt”-1:0.Oyunun 90+4-cü dəqiqəsində “İmişli” azlıqda qalıb. Komandanın heyətində Rafael Vieqaş qırmızı vərəqə alaraq meydandan qovulıb-“İmişli”-“Sumqayıt”-1:0. Bu oyunda yadda qalan son hadisə olub və “İmişli” matçda 1:0 qalib gələrək mövsümdə ikinci qələbəsini reallaşdırdı-“İmişli”-“Sumqayıt”-1:0.
Günün ikinci qarşılaşmasında “Turan Tovuz” “Azersun Arena”da “Qəbələ”ni qəbul edib. Görüşün ilk hissəsi başladığı hesabla bitti-“Turan Tovuz”-“Qəbələ”-0:0.Oyunun 54-cü dəqiqəsində “Turan Tovuz” Aleks Souza qolu ilə hesabı açıb-“Turan Tovuz”-“Qəbələ”-1:0.Bu oyunda vurulan son qol oldu və “Turan Tovuz” matçdan 1:0 qalib ayrıldı.