ABŞ Prezidenti Donald Tramp Yaponiya, Filippin və İndoneziya ilə əhatəli ticarət sazişləri imzalayıb.
Trampın sözlərinə görə, Yaponiya ilə əldə edilən razılaşma ümumilikdə 550 milyard dollar dəyərində investisiyanı əhatə edir və 15%-lik cavab rüsumlarının tətbiqi nəzərdə tutulur.
“Biz Yaponiya ilə böyük, bəlkə də tarixdəki ən iri ticarət sazişlərindən birini bağladıq. Bu razılaşma Tokionun avtomobil, yük maşınları, düyü və digər kənd təsərrüfatı məhsullarının ticarətinə yol açır”, – deyə Tramp qeyd edib.
ABŞ Prezidenti əlavə edib ki, İndoneziya və Filippin ilə də yeni ticarət razılaşmaları əldə olunub. Bu sazişlərə əsasən, hər iki ölkədən idxal edilən məhsullara 19% gömrük rüsumu tətbiq olunacaq, ABŞ-dan həmin ölkələrə ixrac edilən mallar isə rüsumdan azad olunacaq.
//milli.az