ABŞ Prezidenti Donald Tramp narkotik qaçaqmalçılığına görə 45 il həbs cəzasına məhkum edilmiş keçmiş Honduras Prezidenti Xuan Orlando Hernandezi əfv edib.
Məlumatı Tramp sosial media hesabında yayıb:
“Hörmət etdiyim bir çox insanın çox qəddar və ədalətsiz davranıldığını söylədiyi keçmiş Honduras Prezidenti Xuan Orlando Hernandezin tam və qəti əfvini elan edəcəyəm”.
Amerika lideri Hondurasın siyasi və maliyyə uğuru yolunda olduğuna inandığını bildirib.
Qeyd edək ki, 27 iyun 2024-cü ildə ABŞ Ədliyyə Nazirliyi Nyu-York məhkəməsinin keçmiş Honduras prezidenti Hernandezi narkotik qaçaqmalçılığı ittihamı ilə 45 il həbs cəzasına məhkum etdiyini açıqlamışdı.
//milli.az