Ukrayna hökuməti təhlükəsizlik təminatları əldə edilmədən Rusiya ilə sülh danışıqlarına başlamağın məqsədəuyğun olmadığını bildirir.
Bu barədə Ukrayna Prezident Aparatı rəhbərinin müavini İqor Jovkva “Rada” telekanalına verdiyi açıqlamada danışıb. Onun sözlərinə görə, ölkə üçün təhlükəsizliyin təmin olunması məsələsi prioritet olaraq qalır və bu olmadan digər mövzular ətrafında müzakirələrin aparılması məntiqsiz sayılır.
Jovkva qeyd edib ki, Ukraynanın gözlədiyi təminatlar həm hərbi, həm də siyasi xarakter daşıyır. Bunlara ölkənin mövcud hərbi potensialının qorunub saxlanılması və Avropa İttifaqına üzvlük prosesi daxildir.
//milli.az