ABŞ-də aktivist məktəb şurasında etiraz əlaməti olaraq soyunub.
ABŞ-də qadın hüquqları üzrə fəal Bət Born məktəb şurasının iclasında etiraz əlaməti olaraq soyunub.
O, məktəb dairəsinin transgender şagirdlərin qızlarla eyni ayaqyolu və paltardəyişmə otağı istifadəsinə icazə verən qərarına etiraz edib.
Qadın mövqeyini vurğulamaq üçün Born tribuna üzərində paltarını çıxarıb və yalnız çimərlik geyimində qalıb. O, bu hərəkətin “qızların narahatlığı”nı simvolizə etdiyini bildirib, çünki qızlar transgender qadınlarla eyni paltar otağında geyinmək məcburiyyətində qalırlar.
Born iclas zamanı deyib: “Əgər böyüklər mənim geyimimi dəyişməyimi izləməkdə narahatdırsa, qızlardan necə rahat olmalarını gözləmək olar?”
Fəalın performansı başlayanda iclas beş dəqiqəlik fasilə verilməklə dayandırılıb. İclas yenidən başlandıqda Born təkrar soyunmağa başlayıb və ona tənbeh verən şura üzvlərini ifadə azadlığını pozmaqda ittiham edib.
Məktəb himayədarı Sesiliya Eskamilla-Grinvoldun sözlərinə görə, ikinci insident zamanı polis çağırılıb. O, Bornun davranışını “çox uyğunsuz” adlandırıb və şuranın hüquqşünaslarla birlikdə gələcək addımları müzakirə edəcəyini bildirib.
//milli.az