ABŞ-ın Yaxın Şərqə göndərdiyi hərbi gəmilərdə qida və logistika çatışmazlığı olduğu iddiaları gündəmə gəlib. Nəzər.Media Türkiyənin “Hürrriyət” qəzetinə istinadən xəbər verir ki, “USA Today” nəşrinin yazdığına görə, hərbçilərin ailələri ərzağın azaldığını və poçt xidmətlərinin dayandırıldığını bildirir.
“USS Tripoli” və “USS Abraham Lincoln” gəmilərindən yayılan yemək görüntüləri narazılıq yaradıb. Ailələr təzə qidanın qalmadığını və ərzağın bölüşdürüldüyünü iddia edir.
ABŞ Poçt Xidməti bölgədə 27 hərbi ünvana göndərişləri müvəqqəti dayandırıb. Buna səbəb kimi hava məkanının bağlanması və logistika problemləri göstərilir.
Pentagon isə iddialara birbaşa cavab verməyib. Uzun müddətdir dənizdə olan gəmilərdə xidmət edən hərbçilərin ailələri vəziyyətdən narazıdır.
//Nəzər.Media