Onlayn satış həyata keçirən şəxs vətəndaşları aldadır.
“TikTok”da canlı yayımlar açaraq satış edən qadın müştərilərdən məhsulların ödənişini əvvəlcədən alır, lakin sifarişləri göndərmir.
Şikayətçi bildirib ki, ödəniş etdikdən sonra satıcı ilə əlaqə saxlamağa çalışsa da, telefon nömrəsinə zəng çatmayıb, yalnız “WhatsApp” vasitəsilə yazışmaq mümkün olub. Onun sözlərinə görə, məhsulun göndərilməsini və ya ödənilən məbləğin geri qaytarılmasını tələb etdikdə kobud cavab alıb və daha sonra bloklanıb.
Şikayətçi yazışmaların, ödəniş çeklərinin və digər sübutların mövcud olduğunu bildirib.
İddiaya görə, həmin şəxs hər axşam “TikTok”da canlı yayım açaraq satış həyata keçirir. Canlı yayımlar zamanı məhsulların pulunu əvvəlcədən ödəyən bəzi istifadəçilərin şərhlərdə “pulumuzu qaytarın” və “şikayət edəcəyik” yazdıqları, satıcının isə buna sərt cavab verdiyi iddia olunur. Bildirir ki, “Qaytarmıram. Gedin nə edirsinizsə, edin. Yaxşı edirəm”.
Şikayətçinin sözlərinə görə, satıcının ünvanı soruşulduqda isə yalnız Xırdalan ərazisində yaşadığını bildirir.
//milli.az