2026-cı ilin ilk yarısında “Porsche” avtomobillərinin qlobal satışlarında ciddi geriləmə qeydə alınıb.
Şirkət yanvar-iyun ayları ərzində ümumilikdə 122 306 avtomobil satıb. Bu nəticə son illərin ən zəif göstəricisi hesab olunur və 2020-ci ildən bəri ən aşağı satış səviyyəsi kimi qiymətləndirilir.
Bildirilir ki, satışlardakı ən böyük azalma Şimali Amerika və Çin bazarlarında müşahidə olunub.
Şirkət geriləmənin əsas səbəbləri kimi benzin mühərrikli 718 modelinin istehsalının dayandırılmasını, elektriklə işləyən Macan modelinə ilkin tələbatın zəifləməsini, eləcə də ABŞ-də hibrid və elektromobil sahibləri üçün tətbiq edilən vergi güzəştlərinin ləğv edilməsini göstərib.
Mütəxəssislər hesab edirlər ki, bu amillər “Porsche”nin 2026-cı ilin ilk altı ayındakı satış göstəricilərinə birbaşa təsir edib.
//Milli.az