“Google”un yeni süni intellekt sistemi media sektorunda narazılıq yaradıb. Nəzər.Media Türkiyənin “Hürriyət” qəzetinə istiandən xəbər verir ki, xəbər saytlarının ziyarətçi sayı azalmağa başlayıb.
Bildirilir ki, süni intellekt istifadəçilərə cavabları birbaşa təqdim etdiyi üçün saytlara keçidlər azalır. Nəticədə bir çox media qurumunun reklam gəlirləri də aşağı düşüb. “Reuters”, “Politico”, “USA Today” və digər iri nəşrlər “Google”la əməkdaşlığı yenidən nəzərdən keçirirlər. Bəzi şirkətlər məzmunlarının süni intellekt sistemlərində istifadəsini məhdudlaşdırmağı planlaşdırır. “Google” isə yeni sistemin internet saytlarına milyardlarla keçid göndərdiyini və nəşriyyatlara dəstək verməyə davam etdiyini bildirir.
//Nəzər.Media