ABŞ Prezidenti Donald Tramp yeni açıqlama verib. Nəzər.Media Türkiyənin “Hürriyət” qəzetinə istinadən xəbər verir ki, Tramp Səudiyyə Ərəbistanı ilə nüvə sazişinin şərtini açıqlayıb.
Tramp bildirib ki, saziş yalnız İsraillə münasibətlərin normallaşacağı halda qüvvəyə minəcək. Onun sözlərinə görə, razılaşma uranın zənginləşdirilməsini nəzərdə tutmur. Saziş yalnız dinc məqsədli nüvə enerjisini əhatə edir. Analitiklər isə bu şərtin indiki şəraitdə çətin həyata keçəcəyini bildirirlər. Səudiyyə Ərəbistanı daha əvvəl Fələstin dövləti yaradılmadan İsraillə diplomatik münasibət qurmayacağını bəyan edib. Buna baxmayaraq, tərəflər arasında diplomatik prosesin yenidən başlaya biləcəyi istisna edilmir. İsrail hökuməti isə Trampın açıqlamasını müsbət qarşılayaraq bunu bölgədə sülh üçün mühüm addım kimi qiymətləndirib.
//Nəzər.Media