Rusiya Müdafiə Nazirliyi Qara dənizdə yeni hücum həyata keçirdiyini açıqlayıb. Nəzər.Media Türkiyənin “Hürriyət” qəzetinə istinadən xəbər verir ki, hədəfdə Ukraynaya məxsus yük gəmiləri olub.
Məlumata görə, hərbi yük daşıyan 3 quru yük gəmisi Qara dənizdə vurulub. Daha bir quru yük gəmisi isə Nikolayev limanında hədəfə alınıb. Rusiya həmin gəmilərin hərbi təyinatlı yüklər daşıdığını iddia edib. Hücum zamanı pilotsuz uçuş aparatlarından istifadə olunduğu bildirilib. Hadisə ilə bağlı Ukrayna tərəfi hələlik rəsmi açıqlama verməyib.
//Nəzər.Media