İran ABŞ ilə danışıqlar aparmadığını açıqlayıb. Nəzər.Media Türkiyənin “Hürriyət” qəzetinə istinadən xəbər verir ki, bunu Xarici İşlər Nazirliyi bəyan edib.
Bildirilib ki, hazırda Vaşinqtonla heç bir rəsmi təmas yoxdur. Eyni zamanda Hörmüz boğazında təhlükəsiz gəmi keçidi ilə bağlı sahilyanı ölkələr arasında müzakirələr davam edir. İran bu danışıqların təkbaşına boğazın tam açılması üçün kifayət etmədiyini vurğulayıb. Rəsmi Tehran boğazın İran və Oman arasında fikir ayrılığına görə bağlanmadığını da bildirib. Açıqlamada təhlükəsiz keçid marşrutu üzrə razılığın vacib olduğu qeyd edilib. İran mövcud vəziyyətin ABŞ-nin hərbi addımları ilə bağlı olduğunu iddia edib. Bununla yanaşı, Vaşinqtonun bölgədə hərbi əməliyyatları dayandırmasına çağırış edilib.
//Nəzər.Media