Malayziya Hava Yollarının pilotu İndoneziyada saxlanılıb. Nəzər.Media Türkiyənin “Hürriyət” qəzetinə istinadən xəbər verir ki, onun çamadanından külli miqdarda narkotik aşkarlanıb.
Hadisə Cakartadakı Soekarno-Hatta Beynəlxalq Hava Limanında baş verib. Yoxlama zamanı pilotun baqajından 70 mindən çox narkotik həb və əl yükündən metamfetamin tapılıb. Onun sidik analizinin nəticəsi də müsbət çıxıb. İstintaq zamanı pilot narkotik daşıdığını və bunun üçün pul vəd edildiyini etiraf edib. Polis onun bu işi artıq üçüncü dəfə gördüyünü açıqlayıb. Məlum olub ki, pilot yoxlamadan yayınmaq üçün özü ilə əvvəlcədən götürdüyü təmiz sidik nümunəsini də daşıyıb.
//Nəzər.Media