Müğənni Əminə Şirinin səhhətində problem yaranıb.
Sənətçi sosial şəbəkə hesabında video paylaşaraq son günlər yaşadığı narahatlıq barədə məlumat verib. O bildirib ki, üç gün əvvəl səhər saat 07:00 radələrində bədənində kəskin ağrılarla yuxudan oyanıb.
Əminə həmin vaxtdan etibarən təzyiqinin çox aşağı olduğunu və ayağa qalxa bilmədiyini deyib. Onun sözlərinə görə, bu müddət ərzində iki dəfə təcili tibbi yardım çağırılıb və ona lazımi müdaxilə göstərilib.
“Üç gündür təzyiqim o qədər aşağı idi ki, yerimdən qalxa bilmirdim. İki dəfə təcili yardım gəlib. Dərman-dərman etdilər, nə vaxt düzələcəyimi bilmirdim”, – deyə sənətçi bildirib.
Müğənni hazırda özünü daha yaxşı hiss etdiyini qeyd edib. O, yaxın zamanda yeni layihəsini təqdim edəcəyini də açıqlayıb.
//milli.az