“Şəki yaylası”nda baş verən faciəvi hadisədən sonra sosial şəbəkələrdə ərazidəki kanatla bağlı müxtəlif görüntülər və paylaşımlar yayılmağa başlayıb.
İnstagram istifadəçisi Cəmilə Xasıyeva da hadisədən bir həftə əvvəl həmin ərazidə həyat yoldaşı ilə kanata mindiyini bildirib. O, istirahət məkanından çəkdiyi videonu paylaşaraq təhlükə ilə bağlı narahatlığını ifadə edib.
Onun sözlərinə görə, kanata minməzdən əvvəl qorxduğunu və işçidən onu növbəti reysə buraxmamasını xahiş edib. Lakin bu istəyinə məhəl qoyulmadığını qeyd edib.
Sosial şəbəkələrdə yayılan görüntülər arasında bundan başqa, kanatla bağlı daha bir oxşar hadisənin görüntüləri də yer alıb. Həmin videonun hansı tarixdə və hansı şəraitdə çəkildiyi ilə bağlı isə hələlik ətraflı məlumat yoxdur.
Qeyd edək ki, “Şəki yaylası”nda baş verən faciə ilə bağlı araşdırma aparılır.
//milli.az