Müğənni Günel Zeynalova türkiyəli həmkarı Seda Sayanla münasibətlərinin illər əvvəl baş verən hadisədən sonra pozulduğunu deyib.
Sənətçi bu barədə “Sevilən səhər” proqramında danışıb. Günel bildirib ki, Seda Sayanın proqramında Azərbaycan musiqisi haqqında danışarkən “Sarı gəlin” mahnısını ifa etmək istəyib, lakin sözləri səhv salıb. Onun sözlərinə görə, Seda bu səhvinə görə ona xoş münasibət göstərməyib.
Müğənni isə Seda Sayana cavab olaraq “Sən biabır olacaqsan, Azərbaycan səni qəbul etməyəcək” dediyini söyləyib.
Günel qeyd edib ki, həmin hadisədən sonra Seda Sayanın verilişinə qatılmır və onunla münasibət saxlamır:
“Kinliyəm. Bunu ilk dəfədir deyirəm. Küsülü deyiləm, amma heç vaxt verilişinə çıxmıram. Bir dəfə məclisdə olduq, onu təqdim etməyimi istədilər, etdim”.
Qeyd edək ki, Seda Günelə “Korlanmış türkcənlə danışma” sözlərini demişdi.
//Axsam.az