ABŞ Çinə qarşı yeni məhdudiyyət tətbiq edib. Nəzər.Media Türkiyənin “Hürriyət” qəzetinə istinadən xəbər verir ki, qərar texnologiya sahəsini əhatə edir.
Vaşinqton Çin istehsalı olan insansı və dördayaqlı robotların, həmçinin bəzi enerji avadanlıqlarının idxalını qadağan edib. ABŞ rəsmiləri bu addımın milli təhlükəsizliyin qorunmasına xidmət etdiyini bildiriblər. Onların sözlərinə görə, sözügedən məhsullar kritik infrastruktur üçün kibertəhlükə yarada bilər. ABŞ Maliyyə Nazirliyi də Çin süni intellekt şirkətlərini əqli mülkiyyət hüquqlarının pozulmasına görə sanksiyalarla hədələyib. Çin isə qərara etiraz edərək Vaşinqtonu Çin şirkətlərinə qarşı təzyiqləri dayandırmağa çağırıb. Pekin öz maraqlarına zərər vuracaq addımlara qarşı cavab tədbirləri görəcəyini bəyan edib.
//Nəzər.Media