ABŞ və Səudiyyə Ərəbistanı arasında yeni nüvə razılaşmasının əldə olunduğu iddia edilir. Nəzər.Media Türkiyənin “Hürriyət” qəzetinə istinadən xəbər verir ki, ABŞ Prezidenti Donald Trampın bu sazişi təsdiqlədiyi bildirilir.
Məlumata görə, razılaşma Səudiyyə Ərəbistanında mülki nüvə proqramının inkişafını nəzərdə tutur. Sənədin ölkədə uranın zənginləşdirilməsi imkanını da əhatə edə biləcəyi qeyd olunur. Bildirilir ki, bu prosesdə ABŞ şirkətlərinə əsas rol veriləcək. Zərurət yaranarsa, amerikalı şirkətlər uranın zənginləşdirilməsi müəssisəsi də qura biləcək. Vaşinqton hesab edir ki, bu mexanizm proqramın hərbi məqsədlərlə istifadəsinin qarşısını almağa kömək edəcək. Razılaşmanın yaxın günlərdə ABŞ Konqresinə təqdim olunacağı gözlənilir.
//Nəzər.Media