ABŞ İrana qarşı genişmiqyaslı hərbi əməliyyata başlayıb. Nəzər.Media Türkiyənin “Hürriyət” qəzetinə istinadən xəbər verir ki, gərginlik yenidən yüksəlib.
ABŞ ordusu 80-dən çox hərbi obyektə hava zərbələri endirdiyini açıqlayıb. Vaşinqton bu addımın Hörmüz boğazında ticarət gəmilərinə edilən hücumlara cavab olduğunu bildirib. İran isə cavab olaraq Bəhreyn və Küveytdəki ABŞ hərbi obyektlərini raket və pilotsuz uçuş aparatları ilə hədəfə aldığını bəyan edib. Bundan sonra hər iki ölkədə hava həyəcanı siqnalları səslənib. İranın cənub bölgələrində də bir neçə partlayış qeydə alınıb. ABŞ administrasiyası eyni zamanda İran neftinin satışına icazə verən lisenziyanı ləğv edib. Vaşinqton Tehranın hərəkətlərini atəşkəsin pozulması kimi qiymətləndirib. İran tərəfi isə ABŞ-ni razılaşmaları pozmaqda ittiham edib. Tehran cavab zərbələrinin davam edə biləcəyi barədə xəbərdarlıq edib. Qətər də öz bayrağı altında üzən ticarət gəmisinə hücumla bağlı İrana etirazını çatdırıb. İran isə bu ittihamları rədd edərək Hörmüz boğazında təhlükəsizliyin təmin olunduğunu iddia edib. Regionda vəziyyətin gərgin olaraq qaldığı bildirilir.
//Nəzər.Media