Avropa İttifaqı Türkiyəyə təşəkkür edib. Nəzər.Media Türkiyənin “Hürriyət” qəzetinə istinadən xəbər verir ki, buna səbəb İspaniyaya göstərilən dəstək olub.
Türkiyə İspaniyadakı meşə yanğınlarının söndürülməsi üçün iki yanğınsöndürmə təyyarəsi göndərib. Avropa Komissiyasının Mülki Müdafiə və Humanitar Yardım Baş İdarəsi bu addımı yüksək qiymətləndirib. Qurum sosial şəbəkədə “Təşəkkürlər, Türkiyə” paylaşımı edib. Türkiyə rəsmiləri yanğınların tezliklə nəzarət altına alınacağına ümid etdiklərini bildiriblər. Həmçinin vurğulanıb ki, meşələr bütün bəşəriyyətin ortaq sərvətidir.
//Nəzər.Media