Yeni araşdırma diqqətçəkən nəticə ortaya qoyub. Nəzər.Media Türkiyənin “Hürriyət” qəzetinə istinadən xəbər verir ki, infarkt keçirən xəstələrin əksəriyyətinin qanında mikroplastik aşkarlanıb.
Tədqiqat zamanı ən çox polietilen tərkibli mikroplastik hissəciklərinə rast gəlindiyi bildirilib. Alimlər bunun ürək xəstəlikləri ilə mümkün əlaqəsini araşdırırlar. Bununla yanaşı, mikroplastiklərin infarkta birbaşa səbəb olduğu hələ sübut edilməyib. Mütəxəssislər plastik qablardan istifadənin azaldılmasını və qidaların şüşə qablarda saxlanılmasını tövsiyə edirlər. Onlar sağlam həyat tərzinin ürək-damar xəstəliklərinin qarşısının alınmasında əsas amillərdən biri olduğunu vurğulayıblar.
//Nəzər.Media