Bu gün futbol üzrə Azərbaycan Premyer Liqasında IX tura start verilib. PFL bu günə iki qarşılaşma təyin edib.
Günün ilk oyununda “Araz-Naxçıvan” “Şamaxı şəhər stadionu”nda “Qəbələ”ni qəbul edib. Muxtar Respublika təmsilçisi ilə “qırmızı-qaralar”ın görüşünü Əkbər Əhmədov idarə edib. Görüş 1:2 “Qəbələ”nin xeyrinə başa çatıb.
“Araz-Naxçıvan”-“Qəbələ”-1:2
Qollar: 36. Mohamed Mara(1:1) //8. İsmael Akinade(0:1), 48. İsaak Amoah(1:2)
Qırmızı vərəqələr: //
Bu gün daha bir qarşılaşma baş tutacaq.
Günün ikinci qarşılaşmasında “Zirə” “Zirə İdman Kompleksinin Stadionu”nda gənclik şəhər təmsilçisi “Sumqayıt”ı qəbul edəcək. “Mavi qartallar”la “kimyaçılar”ın görüşünü Tural Qurbanov idarə edəcək.
Turun digər görüşləri 24 Oktyabr və 25 Oktyabrda baş tutacaq. 24 Oktyabrda iki qarşılaşma baş tutacaq.
Günün ilk oyununda “Şəfa” “SOCAR Polymer Arena”da qədim Gəncə təmsilçisi “Kəpəz”i qəbul edəcək. Bakı təmsilçisi ilə “sarı göylər”in görüşünü Cavid Cəlilov idarə edəcək.
Günün ilkinci qarşılaşmasında “Neftçi” “Palms Sports Arena”da “Turan Tovuz”u qəbul edəcək. “Ağ-qaralar”la “boz qurd”un görüşünü Əli Əliyev idarə edəcək.
Turun sonuncu görüşləri 25 Oktyabrda baş tutacaq. Oktyabrın 25-də iki qarşılaşma baş tutacaq.
Günün ilk oyununda “İmişli” “İmişli şəhər stadionu”nda “Şamaxı”nı qəbul edəcək. “Pələnglər”lə “şirlər”in görüşünü Rauf Cabarov idarə edəcək.
Günün və turun sonuncu qarşılaşmasında “Sabah” “Dalğa Arena”da “Qarabağ”ı qəbul edəcək. “Bayquşlar”la “köhlən atlar”ın görüşünü Rəşad Əhmədov idarə edəcək.