Dünya bazarlarında Azərbaycanın “Azeri Light” markalı nefti ucuzlaşıb.
CIF bazisi üzrə “Azeri Light” markalı neftin bir barelinin qiyməti 6,37 ABŞ dolları (5,8%) azalaraq 102,73 ABŞ dollarına düşüb.
Beləliklə, Azərbaycan neftinin əvvəlki 109,10 ABŞ dolları olan qiyməti son ticarət sessiyasında əhəmiyyətli dərəcədə geriləyib.
Qeyd edək ki, 2026-cı il dövlət büdcəsində “Azeri Light” markalı neftin orta satış qiyməti bir barel üçün 65 ABŞ dolları səviyyəsində götürülüb. Buna baxmayaraq, hazırkı bazar qiyməti büdcədə nəzərdə tutulan göstəricidən xeyli yüksək olaraq qalır.
//Nəzər.Media