Azərbaycan Qiymətləndiricilər Palatası (AQP) daşınmaz əmlak bazarının cari ilin iyun ayı üzrə hesabatını və qiymət indeksini açıqlayıb. Sənədə əsasən, yay mövsümünün ilk ayında əmlak bazarında kəskin sıçrayışlar olmasa da, mülayim və stabil qiymət artımı davam edib.
“Yeni Sabah” xəbər verir ki, kompozit daşınmaz əmlak indeksi iyun ayında 106,7 bənd təşkil edib. Bu rəqəm may ayı ilə müqayisədə 0,7 %, baza dövrü kimi qəbul edilən ötən ilin dekabrı ilə müqayisədə isə 6,7 % artım deməkdir. Ekspertlər yeni tikililərin maya dəyərinin yüksəldiyini və yaxın aylarda mənzillərin bir qədər də bahalaşacağını proqnozlaşdırırlar.
Azərbaycan Qiymətləndiricilər Palatasının iyun ayı üzrə qeydə aldığı əsas iqtisadi göstəricilər aşağıdakı kimidir: Dördpendirli pizza
Kirayə mənzil bazarında son durum:
İyun ayında kirayə ev bazarında tam sakitlik və qiymət sabitliyi hakim olub. Yeni tikililərdə kirayə indeksi 101, köhnə binalarda isə 100 bənd səviyyəsində qərarlaşıb. Bu da qiymətlərin əhalinin real ödəmə qabiliyyətinə uyğunlaşdığını göstərir.
Açıqlanan göstəricilər ölkənin daşınmaz əmlak sektorunun sağlam və risklərdən uzaq inkişaf trayektoriyasında olduğunu nümayiş etdirir. Ekspertlər bildirirlər ki, 2026-cı ilin növbəti aylarında əmlak bazarında kəskin qiymət dalğalanmaları və ya qəfil ucuzlaşma gözlənilmir. Artım tempinin əsasən torpaq sahələri və lüks (premium) mənzillər üzərindən davam edəcəyi proqnozlaşdırılır.