Futbol üzrə dünya çempionatının üçüncü günü azarkeşlərə bir-birindən həyəcanlı və maraqlı qarşılaşmalar vəd edir.
Nəzər.Media oxu.az-a istinadən xəbər verir ki, qrup mərhələsinin ilk turu çərçivəsində yaşıl meydanlarda daha dörd həlledici oyun baş tutacaq.
Günün ilk dueli B qrupunda mübarizə aparan Qətər və İsveçrə yığmaları arasında qeydə alınacaq. “San-Fransisko bay Area” stadionunda keçiriləcək bu gərgin matçın start fiti Bakı vaxtı ilə saat 23:00-da səslənəcək.
Növbəti qarşılaşmalar isə iyunun 13-dən 14-nə keçən gecə və səhər saatlarında futbolsevərləri ekran başına toplayacaq. Belə ki, C qrupunda təşkil olunacaq Braziliya – Mərakeş oyunu gecə saat 02:00-da, Haiti – Şotlandiya matçı isə 05:00-da başlayacaq.
D qrupunun ilk matçı kimi diqqət çəkən Avstraliya – Türkiyə qarşılaşması isə Bakı vaxtı ilə səhər saat 08:00-da start götürəcək.
Dünya çempionatı
I tur
13 iyun
B qrupu
23:00. Qətər – İsveçrə
14 iyun
C qrupu
02:00. Braziliya – Mərakeş
05:00. Haiti – Şotlandiya
D qrupu
08:00. Avstraliya – Türkiyə
Qeyd edək ki, mundiala iyulun 19-da yekun vurulacaq.
//milli.az