Fransada meşə yanğınları davam edir. Nəzər.Media Türkiyənin “Hürriyət” qəzetinə istinadən xəbər verir ki, Alov Corc Kluninin yaşadığı əraziyə yaxınlaşıb.
Təhlükə səbəbindən aktyorun ailəsi ilə yaşadığı ev ehtiyat tədbiri olaraq boşaldılıb. Məlumata görə, yanğın Fransanın Var bölgəsində geniş əraziyə yayılıb. Hadisə nəticəsində 130 hektardan çox sahə yanıb, 4 yanğınsöndürən xəsarət alıb. Corc Kluni yanğınla mübarizə aparan qruplara dəstəyini ifadə edib. O, bölgənin bərpası üçün lazım olan yardımı göstərməyə hazır olduğunu bildirib.
//Nəzər.Media