Əməkdar artist Mətanət İsgəndərli səsləndirdiyi fikirlərlə diqqət çəkib.
Sənətçi keçmiş dövrlərdə ailə qurmağa münasibətin fərqli olduğunu bildirib. Onun sözlərinə görə, həmin illərdə gənclər evliliyə bugünkü kimi yanaşmır, bu məsələdə əsas qərarı valideynlər verirdi.
Mətanət İsgəndərli qeyd edib ki, 18 yaşında ailə həyatı qurub. O, böyüdüyü mühitdə erkən evliliyin adi hal hesab edildiyini vurğulayıb. Müğənni bildirib ki, anası da gənc yaşlarında ailə qurub və bu, o dövrün ənənələrindən biri olub.
Əməkdar artistin sözlərinə görə, nişanlandıqdan sonra həyat yoldaşını yalnız dörd ay sonra görüb. O, həmin dövrdə ailələrin övladlarının seçimində daha çox söz sahibi olduğunu və evlilik qərarlarının əsasən böyüklər tərəfindən verildiyini söyləyib.
Sənətçinin açıqlaması sosial şəbəkələrdə maraqla qarşılanıb və müzakirələrə səbəb olub.
//milli.az