Əməkdar artist Ruhəngiz Allahverdiyeva açıqlaması ilə yenidən diqqət mərkəzinə düşüb.
Sənətçi səsləndirdiyi fikirlərdə şəxsi həyatına və ailə münasibətlərinə toxunaraq bildirib ki, onun üçün əsas olan sağlamlıq və rahat həyatdır. O, gəlin mövzusuna da münasibət bildirərək bu məsələdə fərqli düşündüyünü qeyd edib:
“Mənim gəlinə ehtiyacım yoxdur. Gəlinə əziyyət verməyi xoşlamıram. Allaha dua edirəm ki, o dünyaya da sağlam gedim, yəni oturub-dura bilim. Yataq xəstəsi olmaq istəmirəm”, – deyə ifaçı bildirib.
Allahverdiyeva əlavə edib ki, gənc ailələrin öz həyatlarını sərbəst şəkildə qurmasının tərəfdarıdır: “Gəlinlər də xoşbəxt olsunlar, həyat yoldaşlarını yola versinlər, övladlarını böyütsünlər. Öz işləri ilə məşğul olsunlar, bu mənə kifayətdir”.
Müğənninin bu sözləri sosial şəbəkələrdə geniş müzakirələrə səbəb olub və müxtəlif fikirlərlə qarşılanıb.
//milli.az