İNGİLİS DİLİ KURSU-TÜRKİYƏDƏ TƏHSİL-UKRAYNADA TƏHSİL
TELEFON:+99470-511-22-88
Əməkdar artist Coşqun Rəhimov yenidən parodiyası ilə gündəmə gəlib.
Tanınmış aktyor bu dəfə müğənni Kəmalə Günəşlini səhnədə canlandıraraq tamaşaçıların diqqətini üzərinə çəkib.
Parodiya “Bu Şəhərdə”nin konsert proqramı çərçivəsində nümayiş olunub. Səhnədə Kəmalə Günəşlinin ifa tərzi və səhnə davranışlarını yumoristik formada təqdim edən Coşqun Rəhimov zalda alqışlarla qarşılanıb.
Xüsusilə konsert günündə göstərilən həmin səhnə sosial şəbəkələrdə sürətlə yayılıb və geniş müzakirələrə səbəb olub. İzləyicilərin bir qismi parodiyanı uğurlu və maraqlı hesab etsə də, digərləri məsələyə fərqli yanaşıb.
Qeyd edək ki, “Bu Şəhərdə” layihəsi illərdir aktual mövzulara və tanınmış simalara edilən parodiyalarla tamaşaçı marağını qoruyub saxlayır.
//milli.az