Oktyabrın 13-də Bakının Bakıxanov qəsəbəsində Respublika Olimpiya İdman Liseyinin inzibati binası, sinif və yataq otaqları, yunan-Roma, sərbəst güləş və cüdo idman zalları, eləcə də yeməkxanası təmirdən sonra istifadəyə verilib. Açılışda gənclər və idman naziri Fərid Qayıbov, həmçinin cüdo, güləş və boks federasiyalarının rəhbər şəxsləri, Olimpiya çempionları, idman ictimaiyyətinin nümayəndələri iştirak ediblər.
Nazir Fərid Qayıbov burada yaradılmış şəraitlə tanış olub, şagirdlərlə söhbət edib, məşqçi-müəllimlərlə fikir mübadiləsi aparıb. Qeyd edək ki, yaxın vaxtlarda liseyin boks zalı da istifadəyə veriləcək.
//Nəzər.Media