İNGİLİS DİLİ KURSU-TÜRKİYƏDƏ TƏHSİL-UKRAYNADA TƏHSİL
TELEFON:+99470-511-22-88
ABŞ-da baş vermiş hadisənin əvvəlcədən planlaşdırılmış və təxribat xarakteri daşıdığı açıq-aşikardı. Bu addımın əsas məqsədinin cənab Prezidentin beynəlxalq nüfuzuna xələl gətirmək, eləcə də ölkəmizin formalaşmış müsbət imicinə kölgə salmaq olduğu aydın görünür.
Belə cəhdlər dövlətimizin artan beynəlxalq mövqeyinə və son illər ərzində əldə etdiyi nailiyyətlərə qarşı yönəlmiş məqsədli informasiya manipulyasiyası kimi qiymətləndirilməlidir. Yayılmış video materiallara diqqətlə baxdıqda, ölkə başçısının mühafizəçilərinə qarşı təhqiredici ifadələrin açıq şəkildə səsləndirildiyi müşahidə olunur.
Eyni zamanda, görüntülərin müxtəlif rakurslardan, peşəkar və sistemli şəkildə çəkilməsi hadisənin spontan deyil, öncədən hazırlanmış ssenari üzrə həyata keçirildiyini deməyə əsas verir. Bu isə qısa zaman kəsiyində baş verən təsadüfi insidentdən deyil, müəyyən müddət ərzində planlaşdırılmış təşkilatlanmadan xəbər verir.
Bəzi şəxslərin idman tipli və qolsuz geyimdə olması da mümkün fiziki qarşıdurma zamanı yaranacaq xəsarətlərin daha qabarıq və diqqətçəkən görünməsi üçün düşünülmüş detal təəssüratı yaradır.
Bütün bu məqamlar baş verən hadisənin məqsədli və planlı təxribat xarakteri daşıdığını göstərir.
//Fuad Əsgərov, Vətəndaş Cəmiyyətinin nümayəndəsi