Tunis müxalifətinin lideri Rəşid əl-Gannuşi aclıq aksiyasına başlayıb. Nəzər.Media Türkiyənin “Hürriyət” qəzetinə istinadən xəbər verir ki, Rəşid əl-Gannuşi tam təcridə etiraz edir.
85 yaşlı Gannuşi iyulun 29-da xəstəxanaya yerləşdirilib. Bundan sonra onun ailəsi və vəkilləri ilə görüşməsinə icazə verilməyib. Məlumata görə, Gannuşi avqustun 6-dan aclıq və dərman qəbulundan imtina aksiyası keçirir. Onun müdafiəçiləri bu addımı son çarə kimi qiymətləndiriblər. Müdafiə heyəti Gannuşinin səhhətinin həssas olduğunu bildirib. Onlar Tunis hakimiyyətindən onun ailəsi və vəkilləri ilə görüşünə icazə verilməsini tələb ediblər.
//Nəzər.Media