İNGİLİS DİLİ KURSU-TÜRKİYƏDƏ TƏHSİL-UKRAYNADA TƏHSİL
TELEFON:+99470-511-22-88
Azərbaycan idmançıları Gürcüstanda keçirilmiş üzgüçülük üzrə Kutaisi Açıq Yaz Kubokunda uğurlu çıxış edərək ümumilikdə 47 medal qazanıblar.
Yarışda ölkəmizi 8 üzgüçü təmsil edib: milli komandanın üzvləri Fərhad Şirməmmədli, Mehri Əbdürəhmanlı və Süleyman İsmayılzadə, eləcə də Anastasiya Qnusina, Arif Tapdıqov, Mehdi Muxtarlı, Safiya Səmədova və Yusif Sofiyev.
Süleyman İsmayılzadə ümumi kateqoriya üzrə, Fərhad Şirməmmədli isə 2010-cu il təvəllüdlü və daha kiçik yaş üzrə ən yaxşı nəticə göstərərək kuboka layiq görülüblər.
Həmçinin yarış Azərbaycan üzgüçüləri üçün rekord nəticələrlə də əlamətdar olub: Mehri Əbdürəhmanlı 50 metr arxasıüstə üzmə növündə 31.47 saniyə nəticə göstərərək Azərbaycan rekordunu yeniləyib, Süleyman İsmayılzadə isə 400 metr sərbəst üsulda 3:54.70 nəticə ilə yeni ölkə rekorduna imza atıb.
Medal qazanmış Azərbaycan üzgüçülərinin siyahısını diqqətinizə təqdim edirik:
Anastasiya Qnusina – 7 qızıl, 4 gümüş
Fərhad Şirməmmədli – 3 qızıl, 4 gümüş, 1 bürünc
Süleyman İsmayılzadə – 3 qızıl, 1 gümüş, 1 bürünc
Mehri Əbdürəhmanlı – 2 qızıl, 4 gümüş, 1 bürünc
Safiya Səmədova – 2 qızıl, 3 gümüş, 1 bürünc
Mehdi Muxtarlı – 1 qızıl, 1 gümüş, 1 bürünc
Yusif Sofiyev – 2 gümüş, 4 bürünc
Arif Tapdıqov – 1 bürünc