İbtidai siniflərdə ev tapşırıqlarının ləğvi ilə bağlı müzakirələr davam edir.
Elm və Təhsil Nazirliyi yanında İctimai Şuranın katibi Günay Əkbərova bildirib ki, bu addımın tam şəkildə tətbiqi real görünmür.
Onun sözlərinə görə, xüsusilə birinci siniflərdə qiymətləndirmə aparılmadığı üçün ev tapşırıqları məcburi sayılmır. Lakin bəzi hallarda şagirdlərə artıq yük verilməsi həm valideyn narazılığına, həm də uşaqların dərsə marağının azalmasına səbəb olur.
Ekspert hesab edir ki, aşağı siniflərdə ev tapşırıqları ya tamamilə ləğv olunmalı, ya da minimum səviyyəyə endirilməlidir. O vurğulayıb ki, əsas məqsəd uşaqlarda motivasiyanı qorumaq və onların düşünmə qabiliyyətini inkişaf etdirməkdir.
//milli.az