Azərbaycan Premyer Liqasının XXVI turu çərçivəsində keçirilən “Kəpəz”-“Qəbələ” oyunu başa çatdı. Gərgin keçən matç 0:2 “Qəbələ”nin xeyrinə başa çatdı.
xxxxx
Oyunun 90-cı dəqiqəsində Domi Massumo “Qəbələ”nin ikinci topuna imza atdı-“Kəpəz”-“Qəbələ”-0:2
xxxx
Oyunun 74-cü dəqiqəsində İsmael Akinadenin qolu ilə “Qəbələ” hesabl açdı-“Kəpəz”-“Qəbələ”-0:1
xxxx
Bu gün milli komandanın “FIFA Series – 2026” turniri çərçivəsində keçirilən oyunlarla əlaqədar yaranmış fasilədən sonra Azərbaycan Premyer Liqasında XXVI tura start verilib. PFL bu günə iki qarşılaşma təyin edib.
Günün və turun açılış oyununda qədim Gəncə təmsilçisi “Kəpəz” “Yevlax Şəhər Stadionu”nda “Qəbələ”ni qəbul edir. “Sarı-göylər”lə “qırmızı-qaralar”ın oyununu Vüqar Həsənli idarə edir. Artıq oyunda ilk hissə arxada qaldı ilk hissədən sonra tərəflərdən heç biri fərqlənə bilməyib-“Kəpəz”-“Qəbələ”-0:0
Bu gün daha bir qarşılaşma baş tutacaq.
Günün ikinci qarşılaşmasında gənclik şəhər təmsilçisi “Sumqayıt” “Neftçi”ni qəbul edəcək. “Kimyaçılar”la “ağ-qaralar”ın oyununu Kamal Umudlu idarə edəcək.
Turun digər görüşləri Bazar ertəsi və Çərşənbə axşamı günü baş tutacaq. PFL Bazar ertəsi günü bir qarşılaşma təyin edilib.
Günün yeganə qarşılaşmasında “Qarabağ” “Tofiq Bəhramov adına Respublika Stadionu”nda “Karvan-Yevlax”ı qəbul edəcək. “Köhlən atlarlar”la Yevlax təmsilçisinin görüşünü Kamranbəy Rəhimov idarə edəcək.
Turun sonuncu görüşləri Çərşənbə axşamı günü keçiriləcək. PFL Çərşənbə axşamı gününə üç qarşılaşma təyin edib.
Günün açılış qarşılaşmasında “İmişli” “Quba Olimpia Kompleksinin Stadionu”nda “Turan Tovuz”u qəbul edəcək. “Pələnglər”lə “Boz qurd”un oyununu Rəvan Həmzəzadə idarə edəcək.
Günün ikinci qarşılaşmasında “Zirə” “Zirə Olimpia Komplkesinin Stadionu”nda “Şamaxı”nı qəbul edəcək. “Mavi qartallar”la “Şirlər”in oyununu Elçin Məsiyev idarə edəcək.
Günün və turun sonuncu qarşılaşmasında “Araz-Naxçıvan” “Liv Bona Dea Arena” “Sabah”ı qəbul edəcək. Muxtar Respublika təmsilçisi ilə “bayquşlar”ın görüşünü Fərid Hacıyev idarə edəcək.