Bu gün futbol üzrə Azərbaycan Premyer Liqasında V tura start verilib. PFL bu günə bir qarşılaşma təyin edib.
Turun açılış və günün yeganə qarşılaşmasında “İmişli” “Yevlax şəhər stadionu”nda “Neftçi”ni qəbul edir. “Ağ-qaralar”la “pələnglər”in görüşünü Kamranbəy Rəhimov idarə edir.
“İmişli”-“Neftçi”-2:3
Qollar: 29. Bəxtiyar Həsənalızadə(1:2), 45+7 Azər Salahlı(p)(2:2) // 12. Freddi Varqas(0:1), 28. Breno Almeyda(0:2), 80. Qustavo Klisman(2:3)
Qırmızı vərəqələr:
Turun digər görüşləri Şənbə, Bazar və Bazar ertəsi günü keçiriləcək. Şənbə günü iki qarşılaşma baş tutacaq.
Günün ilk oyunun qədim Gəncə təmsilçisi “Kəpəz” “Gəncə şəhər stadionu”nda “Qəbələ”ni qəbul edəcək. “Sarı-göylər”lə “qırmızı-qaralar”ın görüşünü Tural Qurbanov idarə edəcək.
Günün ikinci qarşılaşmasında gənclik şəhər təmsilçisi “Sumqayıt” “SOCAR Polymer Arena”da “Şamaxı”nı qəbul edəcək. “Kimyaçılar”la “şirlər”in görüşünü Əli Əliyev idarə edəcək.
Bazar günü iki qarşıla baş tutacaq.
Günün ilk qarşılaşmasında “Araz-Naxçıvan” “Şamaxı şəhər stadionu”nda “Turan Tovuz”u qəbul edəcək. Muxtar Respublika təmsilçisi ilə “boz qurd”un görüşünü Elçin Məsiyev idarə edəcək.
Günün ikinci qarşılaşmasında “Zirə” “Zirə İK stadionu”nda “Qarabağ”ı qəbul edəcək. “Mavi qartallar”la “Köhlən atlar”ın görüşünü Rəşad Əhmədov idarə edəcək.
Turun sonuncu görüşü Bazar ertməsi günü keçiriləcək.
Günün yeganə və turun sonuncu qarşılaşmasında “Şəfa” “SOCAR Polymer Arena” “Sabah”ı qəbul edəcək. Bakı təmsilçisi ilə “bayquşlar”ın görüşünü Nicat İsmayıllı idarə edəcək.