ABŞ ilə İran arasında gərginlik artır. Nəzər.Media Türkiyənin “Hürriyət” qəzetinə istinadən xəbər verir ki, Tərəflər qarşılıqlı hücumları davam etdirirlər.
Məlumata görə, İran son hücumlarda yeni ballistik raketlərdən istifadə edib. Bildirilir ki, bu raketlər uçuş zamanı istiqamətini dəyişə bilir. Bu isə hava hücumundan müdafiə sistemlərinin işini çətinləşdirir. ABŞ rəsmiləri İranın hədəfləri daha dəqiq vurmasında kənar dəstəyin ola biləcəyini istisna etmirlər. Onların fikrincə, bu dəstək Rusiya və ya Çindən gələ bilər. Təhlillərə görə, Tehran bu taktika ilə danışıqlarda üstün mövqe qazanmağa çalışır. Bu arada ABŞ İran ərazisində bir neçə hərbi obyektə hava zərbələri endirib. İran isə Küveytdə yerləşən ABŞ hərbi obyektlərini pilotsuz uçuş aparatları ilə hədəfə aldığını açıqlayıb. Həmçinin ölkənin qərbində ABŞ-yə məxsus MQ-9 pilotsuz uçuş aparatının vurulduğu bildirilib. Vaşinqton isə İordaniya və İraqda baş verən hadisələr nəticəsində daha iki hərbçisinin öldüyünü açıqlayıb. Gərginliyin yaxın vaxtlarda azalacağına dair isə hələlik hər hansı əlamət görünmür.
//Nəzər.Media