İNGİLİS DİLİ KURSU-TÜRKİYƏDƏ TƏHSİL-UKRAYNADA TƏHSİL
TELEFON:+99470-511-22-88
Azərbaycan Kamandan Oxatma Federasiyası və Bakı şəhər Gənclər və İdman İdarəsinin birgə təşkilatçılığı ilə 02-05 aprel 2026-cı il tarixlərində kamandan oxatma idman növü üzrə Bakı şəhər kubokunun I mərhələsi keçiriləcək.
Azərbaycan İdman Akademiyasının stadionunda baş tutacaq yarışın proqramına əsasən, aprelin 2-də idmançıların rəsmi sınaq atışları və məşqləri təşkil olunacaq, aprelin 3-ü və 4-də isə əsas yarış mərhələləri keçiriləcəkdir. Yarış aprelin 5-də baş tutacaq həlledici final görüşləri və qaliblərin müəyyənləşməsi ilə yekunlaşacaqdır.
Kubok uğrunda mübarizə aparacaq U15 kateqoriyalı idmançılar 40 metr, böyüklər isə 70 metr məsafədə hədəfi dəqiqliklə vurmaq üçün öz məharətlərini nümayiş etdirəcəklər. Olimpiya sistemi ilə hesablanacaq nəticələrə əsasən, fəxri kürsüdə yer alan idmançılar Bakı şəhər Gənclər və İdman İdarəsi tərəfindən müvafiq diplom və medallarla təltif olunacaqlar.