İNGİLİS DİLİ KURSU-TÜRKİYƏDƏ TƏHSİL-UKRAYNADA TƏHSİL
TELEFON:+99470-511-22-88
“İrs – Gənclərin Maarifləndirmə və Təbliğat Mərkəzi” İctimai Birliyinin təşkilatçılığı və Azərbaycan Gənclər Fondunun maliyyə dəstəyi ilə həyata keçirilən “Konstitusiyanın Memarı: Heydər Əliyev irsi gənclərin baxışında” adlı layihəsi çərcivsində Azərbaycan Respublikası Gənclər Təşkilatları Milli Şurası (NAYORA), Bakı Slaviyan Universiteti və Sumqayit Tarix Muzeyində gənclərlə görüşlər keçirilib.
Görüşün əsas məqsədi ümummilli lider Heydər Əliyevin dövlətçilik irsinin, xüsusilə Azərbaycan Respublikasının Konstitusiyasının formalaşmasındakı rolunun gənclər arasında təbliği, onların bu mövzuda bilik və baxışlarının zənginləşdirilməsi olub.
Tədbirlərdə Nəzər.Media saytının təsisçisi və baş redaktoru, siyasi şərhçi Nəzərbəy Hacıağayev və “Dünya Xalqlarının Alyansı” İctimai Birliyinin təsisçisi və sədr müavini Kərim Boyaqçızadə çıxış edərək mövzu ətrafında fikirlərini bölüşüblər. Çıxışlarda Heydər Əliyevin Azərbaycan Konstitusiyasının hazırlanması prosesindəki müstəsna rolu, hüquqi dövlət quruculuğuna verdiyi töhfələr və bu irsin müasir gənclik üçün əhəmiyyəti xüsusi vurğulanıb.
Görüş interaktiv müzakirələr şəraitində davam edib, iştirakçı gənclərin sualları cavablandırılıb və mövzu ətrafında fikir mübadiləsi aparılıb. Ümumilikdə 100 nəfərdən çox gəncin iştirak etdiyi görüşlərin sonunda bütün iştirakçılara sertifikatlar təqdim olunub.
