Azərbaycan İdman Akademiyasında (ASA) Kembric Universitetinin eksperti Dr. Reyçel Ceffersonun rəhbərliyi ilə “Kurikulumun xəritələnməsi” mövzusunda dəyirmi masa keçirilib.
Dəyirmi masaya müxtəlif təşkilatların və ali təhsil müəssisələrinin nümayəndələri qatılıb.
Kembric Universitetinin eksperti Dr. Reyçel Cefferson mövzu ilə bağlı məruzə ilə çıxış edərək müasir yanaşmalar və səmərəli kurikulum tərtibatının əsas prinsipləri haqqında məlumat verib.
Dəyirmi masaya dəvət olunan Kembric Təhsildə Əməkdaşlıq qurumunun Avropa, Mərkəzi Asiya, Şimali və Cənubi Amerika üzrə rəhbəri Stiven Kinq isə müzakirələrdə öz təcrübəsini bölüşüb.
Sonda iştirakçıların sualları cavablandırılıb, mövzu ətrafında fikir mübadiləsi aparılıb.
