Kiberdələduzluğun qurbanı olan jurnalist Ləman Ələşrəfqızının pulu kartına geri qaytarılıb.
“Yeni Sabah” xəbər verir ki, bu barədə özü sosial şəbəkə hesabında məlumat yayıb.
O bildirib ki, cinayətkarı saxlanılıb. Marqarita pizza
“DİN-in Kibercinayətkarlıqla Mübarizə Baş İdarəsindən İsfəndiyar Abbasov zəng etdi, kiberdələduzun saxlanıldığını bildirdi. Pulum karta qaytarıldı. Təbii, cinayətkarın kimliyini hələlik bilmirəm, amma düşünürəm ki, onunla üzləşmək imkanım olacaq”.
Xatırlatma: iyulun 1-də kibercinayətkar “Telegram”la Ümid Partiyasının sədri İqbal Ağazadənin adından istifadə edərək Ləman Ələşrəfqızından 600 manat məbləğində pulun kartına köçürülməsinə nail olub. Jurnalist pulu köçürdükdən sonra aldandığını başa düşüb və aidiyyəti üzrə müraciət edib.