Fransada meşə yanğınları davam edir. Nəzər.Media Türkiyənin “Hürriyət” qəzetinə istinadən xəbər verir ki, vəziyyət ağır olaraq qiymətləndirilir.
Fransa Prezidenti Emmanuel Makron ölkənin misli görünməmiş yanğınlarla üzləşdiyini bildirib. Onun sözlərinə görə, bu, İkinci Dünya müharibəsindən bəri yaşanan ən ağır vəziyyətdir. Makron ilin əvvəlindən indiyədək 116 min hektardan çox ərazinin külə döndüyünü açıqlayıb. Ən ağır vəziyyət isə Jirond bölgəsində qeydə alınıb. Burada 220 min nəfər təhlükəsizlik məqsədilə təxliyə edilib. Yanğınlar nəticəsində yüzlərlə tikiliyə ziyan dəyib, çox sayda yanğınsöndürən xəsarət alıb. Makron əsas prioritetin insan həyatının qorunması olduğunu vurğulayıb. O, yanğınlarla mübarizə üçün bütün imkanların səfərbər edildiyini bildirib.
//Nəzər.Media