Manchester City klubunun ulduz yarımmüdafiəçisi Rodrinin gələcəyi hələ də qeyri-müəyyəndir. Nəzər.Media İngiltərənin “Goal” saytına istinadən xəbər verir ki, “şəhərlilər” ispaniyalını komandada saxlamaq üçün ona yeni müqavilə təklif edib.
Zədə səbəbindən uzun müddət meydanlardan uzaq qalan Rodri son vaxtlar formasını bərpa edərək yenidən əsas fiqurlardan birinə çevrilib.
29 yaşlı futbolçu “Real Madrid”ə keçid ehtimalını tam istisna etməyib və İspaniyaya qayıtmaq istədiyini bildirib.
Transfer jurnalisti Fabrizio Romanoya görə, yekun qərar oyunçu və ailəsinə məxsusdur. Əgər o, təklifi rədd etsə, klub yayda onun üçün yüksək transfer haqqı tələb edəcək.
//Nəzər.Media